Ó AGARIMO DO ALTÍSIMO,
NON TEMEREI AS TEBRAS DA NOITE.
1. O que habita ó agarimo do Altísimo
e mora á sombra do Omnipotente,
dígalle ó Señor: “Meu refuxio, miña forza,
meu Deus en quen confío”.
2. El é quen libra do brazo do cazador e da peste maligna.
Cóbrete coas súas plumas,
protéxete coas súas ás,
escóndete co seu brazo e deféndete.
3. Non temera-las sorpresas da noite,
nin as frechas que voan polo día,
nin a peste que ronda nas tebras,
nin o andazo que estraga ó mediodía.
4. Abofé o Señor é o teu refuxio,
tes no Altísimo a defensa.
Ningún mal te atinguirá,
ningunha praga se achegará á túa tenda.
5. Levarante nas palmas das mans,
para que non batan nas pedras os teus pés.
Triparás áspides e serpes,
calcarás leóns e dragóns.
Gloria ó Pai e ó Fillo
e o Espírito Santo,
como era no principio, agora e sempre
por séculos de séculos.
Amén.