Coro Parroquial de Esteiro

Escoitando a túa chamada

1. Escoitando a túa chamada emprendémo-lo camiño
que nos leva cara á Pascua do teu Fillo Xesucristo.
Cruzarémo-lo deserto da túa man conducidos
pra atopa-la Nova Terra que Ti nos tes prometido.

TI VAS CONNOSCO, SEÑOR, POLO CAMIÑO
ANIMANDO A ESPERANZA DO TEU POBO PEREGRINO.
TI VAS CONNOSCO, SEÑOR, POLO CAMIÑO
COA LUZ DA TÚA PALABRA, CO TEU PAN E CO TEU VIÑO.

2. Escoitando a túa chamada aquí nos tés reunidos
pra renova-la Alianza que nos unirá contigo.
Selarémo-la promesa celebrando o sacrificio
coa entrega e coa ofrenda do sangue de Xesucristo.

3. Escoitando a túa chamada viñemos á fonte viva
para calmar na túa auga a sede de peregrinos.
Renacemos á túa vida polas augas do Bautismo,
sepultados ó pecado, vivimos en Xesucristo.

4. Escoitando a túa chamada que nos pide convertirnos
hoxe voltamos á casa, Paiciño bo, arrepentidos.
Trocaremos esta vida de pecado e egoísmo
en vida chea de amor a todos irmáns unidos.

5. Escoitando a túa chamada viñemos á túa Luz
desde a nosa escuridade, como o cego do camiño.
Ilumina os nosos pasos vacilantes e sen tino
coa labareda da fe, que guía o noso destino.

6. Escoitando a túa chamada viñemos á túa Vida.
Ti que choráche-la morte do teu amigo querido.
Ti que nos dis que quen cre resucitará contigo
e verá a Vida eterna, esa vida que es Ti mesmo.